Աջակցեք Armath‑ին

Armath‑ն անկախ նախագիծ է Հայաստանում։ Այն գովազդ չունի, տվյալներ չի վաճառում, իսկ նրա ստեղնաշարը նույնիսկ չունի դրանք ուղարկելու կոդ։ Նախագիծը պահում են այն մարդիկ, ովքեր օգտվում են դրանից։ Եթե կարծում եք, որ հայերենն արժանի է նույնքան խելացի ստեղնաշարի, որքան աշխարհի ամենամեծ լեզուները, ահա թե ինչպես կարող եք օգնել։

Մեր սվայփի զարգացումը հայերենի զարգացումն է։Armath Full‑ի էկրանից

Ինչու է պետք ձեր օգնությունը

Մեծ ընկերությունները ստեղնաշարի լավագույն հնարավորությունները ստեղծում են առաջին հերթին ամենամեծ լեզուների համար։ Մի քանի միլիոն լեզվակիր և սեփական այբուբեն ունեցող լեզուն դրանք ստանում է ուշ կամ ընդհանրապես չի ստանում։ Հայերենի համար ստեղնաշար ստեղծելը նշանակում է կազմել նրա բառարանը, սովորեցնել նրա լեզվական մոդելը, ստուգել այն լեզվակիրների հետ և ամեն փոփոխություն չափել հայերեն տեքստերի վրա, իսկ այդ ամենի համար պետք են ժամանակ, մարդիկ և հաշվողական ռեսուրսներ։

1. Ընտրեք Armath Full‑ը

Մուտքագրումը, ուղղումները, բառերի և վրիպակների հուշումներն անվճար են և անվճար էլ կմնան։ Սվայփը, ամբողջ նախադասությունը մեկ շարժումով, թվերի վահանակը, բառ առ բառ ջնջումը և վերջին էմոջիները Armath Full‑ի մասն են։ Սկսեք անվճար փորձաշրջանը հավելվածում․ յոթ օր ամեն ինչ բաց է, և ոչինչ ավտոմատ կերպով չի գանձվում կամ երկարաձգվում։ Եթե հավանեք, ընտրեք ամսական կամ տարեկան բաժանորդագրություն կամ գնեք ընդմիշտ։ Սա աշխատանքին աջակցելու ամենաուղիղ ճանապարհն է։

2. Կիսվեք ձեր սվայփներով

Հայերեն սվայփ ունեցող ստեղնաշարի համար իրական հայերեն շարժումներից ավելի արժեքավոր բան չկա։ Հավելվածում՝ «Օգնեք հայերեն սվայփին» բաժնում, կարող եք պահել ձեր սվայփների անանուն օրինակներ․ մատի ճանապարհը ստեղների վրայով և բառարանի այն բառը, որը գրվել է դրանով։ Երբեք չեն պահվում ձեր նախադասությունները, անունները կամ գաղտնաբառերը, օրվա ժամը կամ գտնվելու վայրը։ Լռելյայն այս գործառույթն անջատված է, օրինակները մնում են ձեր iPhone‑ում և մեզ են հասնում միայն այն դեպքում, եթե ֆայլը պատրաստեք և ուղարկեք դուք ինքներդ։

3. Կիսվեք ձեր հայերենով

Եթե հայերենը ձեր մայրենին է, կարող եք օգնել այնպես, ինչպես ոչ մի ալգորիթմ չի կարող։ Կարդացեք մեր տեքստերը՝ հավելվածում և այս կայքում, և ասեք, թե ինչն է սխալ հնչում։ Փորձեք նոր տարբերակները նախքան թողարկումը։ Պատմեք, թե որտեղ է Armath‑ը սխալվում ձեր հայերենում․ բառ, որը չգիտի, ուղղում, որը չպետք է անի, անուն, որը փոխում է։

4. Պատմեք ուրիշներին

Ուսուցչին, ով ուզում է, որ աշակերտները գրեն հայերեն տառերով։ Ծնողներին, ովքեր նույնն են ուզում իրենց երեխաների համար։ Արտերկրում ապրող ընկերոջը, ով հայերեն գրում է լատինատառ, որովհետև այդպես ավելի արագ է։ Ստեղնաշարը տարածվում է բերնեբերան, իսկ փոքր լեզվի համար դա միակ ճանապարհն է։

5. Հայտնեք, թե ինչն է սխալ

Գրեք support@armath.app հասցեին՝ նշելով սարքը, iOS‑ի տարբերակը և թե ինչ է պատահել։ Խնդրում ենք չուղարկել ստեղնաշարով գրված անձնական տեքստ․ ավելի լավ է՝ նկարագրեք այն։