Armath Armenian Keyboard · iPhone
Ստեղծված է հայերենի համար՝ առաջին տառից։
Սվայփեք բառը կամ ամբողջ նախադասությունը։ Ստացեք հաջորդ բառը՝ նախքան այն կգրեք, և ուղղումներ, որոնք հաշվի են առնում նախորդ բառերը։ Armath‑ը կառուցված է հայերեն տեքստերի վրա և ամբողջությամբ աշխատում է ձեր սարքում։
Սա Armath ստեղնաշարն է՝ գծված հենց ձեր զննարկչում։ Հիմա այն գրում է ինքնուրույն։ Այստեղ այն գիտի ընդամենը 5000 բառ. սա փոքր ցուցադրություն է, ոչ թե Armath Input Intelligence‑ի ամբողջական համակարգը։
Մատով կամ մկնիկով սվայփեք բառի տառերի վրայով կամ սեղմեք ստեղները։ Այս փոքրիկ ցուցադրությունը գիտի ամենահաճախ հանդիպող 5000 բառը, իսկ իսկական ստեղնաշարը գիտի 89 790 բառ և կարդում է ամբողջ նախադասությունը։
Ինչու Armath
Մենք ստեղնաշարին ինտելեկտ չավելացրինք։ Մենք ստեղնաշարը կառուցեցինք ինտելեկտի շուրջ։ Տասնամյակներ շարունակ ստեղնաշարերը սովորել են ճանաչել, թե որտեղ է դիպչում մատը։ Մենք այլ հարց տվեցինք․ իսկ ի՞նչ կլինի, եթե ստեղնաշարը կարողանա հպումից այն կողմ նայել և ավելի լավ հասկանալ, թե որ բառն եք նկատի ունեցել։
Armath‑ի մանիֆեստից
Տասնհինգ հնարավորություն
Թերթեք ցանկը կամ ընտրեք հնարավորությունը․ այն ցուցադրվում է Armath ստեղնաշարի նկարի վրա՝ ճիշտ այնպես, ինչպես այսօր դասավորված է հավելվածում․ iPhone‑ի ոճի հայերեն դասավորություն, «ու»-ն՝ մեկ ստեղնով, հայերեն կետադրական նշաններ։
Սահեցրեք մատը տառից տառ՝ առանց այն բարձրացնելու։ Armath‑ը կարդում է հետագիծը, նրա ձևը և նախադասության իմաստը, իսկ ստեղների վերևում առաջարկում է մոտ տարբերակներ։
Բառերի միջև անցեք բացատի վրայով և շարունակեք։ Յուրաքանչյուր բառ ճանաչվում է այն պահին, երբ անցնում եք բացատը, իսկ շարժումը շարունակվում է դեպի հաջորդ բառը։
Ընտրեք տարբերակներից մեկ այլ բառ, և Armath‑ը կսովորի այն․ նույն շարժման դեպքում ձեր ընտրությունն ավելի բարձր կլինի։ Սովորածը մնում է միայն այս սարքում։
Armath‑ի սեփական նեյրոնային լեզվական մոդելը կարդում է սկսված նախադասությունը և առաջարկում շարունակությունը։ Առաջարկվում են միայն բառարանում եղած բառեր։
Վրիպակն ուղղվում է բացատը սեղմելիս՝ հաշվի առնելով նախորդ բառերը։ Անունները, հղումները և հազվադեպ, բայց ճիշտ բառերը մնում են այնպես, ինչպես գրել եք։
Եթե ավարտված բառը սխալ է թվում, բայց ինքնուրույն փոխելը ռիսկային է, ուղղումները կարմիրով հայտնվում են ստեղների վերևում։ Մեկ հպումով բառն ուղղվում է, իսկ եթե շարունակեք գրել, այն կմնա անփոփոխ։
Պահեք բացատը և սահեցրեք մատը․ տառերը մարում են, իսկ կուրսորը հետևում է մատին՝ նշան առ նշան։
Պահեք ⌫-ը և սահեցրեք մատը դեպի ձախ․ որքան հեռու տանեք մատը, այնքան ավելի շատ բառ կջնջվի։ Մատը հետ բերեք, և բառերը կվերադառնան։
Պահեք ստորակետի կամ վերջակետի ստեղնը, և կբացվեն , ՝ ՛ ՞ ՜ ։ նշանները՝ մեկ շարքով։ Ընտրած նշանը դառնում է այդ ստեղնի նշանը, այնպես որ ամենաշատ օգտագործվողը մեկ հպում հեռու է։
Հայերենի ամենահաճախ հանդիպող երկտառը մեկ ստեղն է։ Հպումը գրում է «ու», իսկ պահելը՝ առանձին «ւ»՝ «եւ»-ի նման ուղղագրությունների համար։
Պահեք 123-ը, և թվերը կբացվեն տառերի կողքին՝ iPhone‑ի թվային ստեղնաշարի դասավորությամբ։ Գրեք արտահայտությունը, և «=»-ը կգրի պատասխանը։ Վահանակը փակելու համար մատը սահեցրեք նրա վրայով դեպի աջ։
Պահեք ⇧-ը և ընտրեք կողմը․ ամբողջ ստեղնաշարը՝ բոլոր ստեղներով, տեղափոխվում է բութ մատի տակ։ Միջին պատկերակը վերադարձնում է սովորական տեսքը։
Ամբողջական հավաքածու․ վերջին օգտագործվածներն առաջինն են, կատեգորիաները՝ ներքևի շարքում։ Պահեք ձեռքի էմոջին՝ երանգն ընտրելու համար։
Պահեք էմոջիների ստեղնը, և ստեղների տեղում կհայտնվեն ձեր վերջին էմոջիները։ Սահեցրեք մատը անհրաժեշտ էմոջիի վրա և բարձրացրեք այն։ Կարճ հպումը, ինչպես միշտ, բացում է ամբողջ վահանակը։
Լռելյայն տառերն այնտեղ են, որտեղ նրանց սպասում է iPhone‑ի օգտատերը, իսկ ստորակետն ու վերջակետը երրորդ շարքի աջ կողմում են։ Կարգավորումներում կարելի է այդ շարքը կենտրոնացնել երկու ստեղների միջև։
Ստեղների զգացողությունը
Ստեղնաշարի բնավորությունը մեծապես կախված է հպման և տառի միջև ընկած վայրկյանի մասնիկից։ Մենք ուսումնասիրեցինք, թե ինչպես են լավագույն ստեղնաշարերը լուծում այդ պահը, կադր առ կադր չափեցինք iPhone‑ի սեփական ստեղնաշարը և Armath‑ի ամեն սեղմումը մոտեցրինք դրան այնքան, որքան թույլ է տալիս iOS‑ը։ Հետո գնացինք ավելի հեռու՝ այն պատահական սխալների դեմ, որոնք դեռ լինում են ապակու վրա գրելիս։
Մի փոքր կողքին ընկած մատը դրա համար չի տուժում։ Դեռ մի պահ ունեք՝ անհրաժեշտ ստեղնին հասնելու համար։
Ստեղնն արձագանքում է հպման պահին, նույնքան ուղիղ, որքան iPhone‑ի սեփական ստեղնաշարում։ Ոչինչ չի հետ մնում մատից։
Երկու մատով արագ գրելիս տառերը մնում են այն հերթականությամբ, որով սեղմել եք դրանք։
Իրական մուտքագրումն ուսումնասիրեցինք հպում առ հպում և վերացրինք սխալ ստեղների գտնված պատճառները։ Արագ հպումը մնում է հպում և չի դառնում պատահական բառ։
Տեխնոլոգիա
Armath Input Intelligence‑ը ստեղնաշարի ներսում աշխատող շարժիչն է։ Այն միաժամանակ կարդում է ձեր մատի շարժումը և այն նախադասությունը, որը գրում եք, ստեղծված է հայերենի համար՝ առաջին տառից, և ամբողջությամբ աշխատում է ձեր iPhone‑ում։
89 790 բառ՝ հավաքված իրական հայերեն տեքստերից, և ավելի քան 180 000 բառաձև, որոնք ճանաչվում են սվայփելիս։ Անունները մնում են անուններ։
Սվայփը վերծանվում է երեք աղբյուրի օգնությամբ՝ մատի հետագծի, նեյրոնային ճանաչման և նախադասության իմաստի։ Այդպես կարելի է գրել բառ կամ ամբողջ նախադասություն՝ առանց մատը բարձրացնելու։
Armath‑ի սեփական նեյրոնային լեզվական մոդելը սովորել է հարյուր միլիոնավոր հայերեն բառերի վրա։ Այն առաջարկում է հաջորդ բառը և օգնում է ընտրել ճիշտ տարբերակը սվայփի և ուղղման ժամանակ։
Վրիպակն ուղղվում է բացատով՝ հաշվի առնելով նախորդ բառերը։ Անունները, հղումները և հազվադեպ, բայց ճիշտ բառերը մնում են այնպես, ինչպես գրել եք։
Ձեր բառերն ու ընտրությունները հիշվում են այս սարքում։ Ուսուցումը կարելի է դադարեցնել, իսկ ցանկացած բառ կամ ժամանակահատված՝ ջնջել։
Ձեր գրածը մնում է սարքում, և գովազդ չկա։ Այն, ինչ օգնում է բարելավել Armath‑ը, օրինակ՝ սվայփի նմուշները կամ ախտորոշիչ տվյալները, ուղարկվում է միայն ձեր թույլտվությամբ։ Գրել կարելի է նույնիսկ առանց Full Access‑ի։
Սվայփի նեյրոնային ճանաչումն աշխատում է FUTO Swipe տեխնոլոգիայով։ Բառարանը, շարժումների համադրումը, լեզվական մոդելը, ուղղումները և ուսուցումը ստեղծվել և սովորեցվել են Armath նախագծի կողմից։ Տեխնոլոգիաներ և լիցենզիաներ
Թվերով
Լեզվական մոդելն ունի մոտ 8,5 միլիոն պարամետր և iPhone 12 Pro Max‑ում պատասխանում է մոտ մեկ միլիվայրկյանում։ Ավելի քան 600 ավտոմատ թեստ աշխատում է իրական iPhone‑ի վրա, ոչ թե սիմուլյատորում։
Գաղտնիություն
Ստեղնաշարը տեսնում է ամեն ինչ։ Հենց դրա համար Armath‑ը կառուցված է այնպես, որ ոչինչ ոչ մի տեղ ուղարկելու կարիք չունենա։
Ո՛չ ցանցային կոդ, ո՛չ գովազդ, ո՛չ էլ երրորդ կողմի հետևման գործիքներ։ Ինքնաթիռի ռեժիմում ամեն ինչ աշխատում է նույն կերպ։
Ձեր օգտագործած բառերը, ընտրած տարբերակները և չեղարկված ուղղումները պահվում են ձեր iPhone‑ում և ուրիշ ոչ մի տեղ։
Հավելվածի Կարգավորումներում կարելի է դադարեցնել ուսուցումը, ջնջել մեկ բառ, որոշակի ժամանակահատված կամ ամեն ինչ։
Ոչինչ չի սովորվում գաղտնաբառերում, միանգամյա կոդերում, քարտերի համարներում, օգտանուններում, էլեկտրոնային հասցեներում, հեռախոսահամարներում և հասցեներում։
Armath Full‑ը գնվում է App Store‑ից։ Armath‑ը չի տեսնում ո՛չ վճարային տվյալները, ո՛չ ձեր անունը, ո՛չ էլ Apple ID‑ն։
Armath Full
Այն ամենը, ինչ հեշտացնում է հայերեն գրելը, անվճար է։ Սվայփը, թվերի վահանակը, բառ առ բառ ջնջումը և վերջին էմոջիները Armath Full‑ի մասն են, և դրանք կարելի է մեկ շաբաթ անվճար փորձել։
Ինչպես է աշխատում անվճար փորձաշրջանը
App Store‑ը գները ցույց է տալիս ձեր արժույթով։ Բաժանորդագրություններն ավտոմատ կերպով երկարաձգվում են, մինչև չեղարկեք դրանք ձեր Apple հաշվի կարգավորումներում․ անվճար փորձաշրջանը ոչինչ չի երկարաձգում։
Մեր սվայփի զարգացումը հայերենի զարգացումն է։
Armath‑ը ստեղծում է անկախ նախագիծ Հայաստանում։ Յուրաքանչյուր գնում ներդրում է այն ամենում, ինչ հեշտացնում է հայերեն գրելը․ ավելի ճշգրիտ ճանաչում, ավելի շատ բառեր, ավելի շատ փորձարկումներ լեզվակիրների հետ։ Ինչպես աջակցել նախագծին →
Ստեղծված է հայերենի համար
Տասնվեց դարից ավելի պատմություն ունեցող այբուբենն արժանի է նույնքան խելացի ստեղնաշարի, որքան անգլերենը։ Apple‑ի սեփական ստեղնաշարը հայերենին տալիս է միայն ստեղները։
| Հայերենի համար | iOS ստեղնաշար | Armath |
|---|---|---|
| Ավտոմատ ուղղում | — | ✓ |
| Հաջորդ բառի կանխատեսում | — | ✓ |
| Սվայփով գրելը | — | ✓ |
| Ամբողջ նախադասությունը՝ մեկ շարժումով | — | ✓ |
Apple‑ի «iOS Feature Availability» էջում հայերենը նշված է ստեղնաշարի լեզուների շարքում, բայց ոչ Autocorrection, Predictive Typing և QuickPath բաժիններում։
Հայերեն վերջակետը «։», բութը «՝», շեշտը «՛», հարցական նշանը «՞» և բացականչական նշանը «՜» այնտեղ են, որտեղ պետք են, և թաքնված չեն նշանների էջում։
Լեզվի ամենահաճախ հանդիպող երկտառը մեկ հպում է։ Առանձին «ւ»-ն և «և»-ն նույնպես իրենց տեղում են։
Քաղաքների, մարդկանց և կազմակերպությունների անունները պահպանում են մեծատառը, փոքրատառով գրված անունը չի «ուղղվում», իսկ ձեր օգտագործած անունները ստեղնաշարը սովորում է։
Armath‑ը գրում է արևելահայերեն՝ Հայաստանում այսօր ընդունված ուղղագրությամբ։ Արևմտահայերենը և դասական ուղղագրությունը դեռ չեն աջակցվում, և մենք դա ազնվորեն ասում ենք։
Հոդվածներ
Armath Input Intelligence‑ի պատմությունը, նրա հիմքում ընկած մեթոդը, թե ինչ է այն նշանակում հայերենի համար, և ինչպես կարող եք օգնել։
Գաղափարից մինչև սեփական լեզվական մոդել։
5 րոպե ընթերցանությունԿանոնը՝ արդյունքից առաջ, ստուգման տեքստը՝ մեկ անգամ։
3 րոպե ընթերցանությունԿադր առ կադր չափեցինք iPhone‑ի սեփական ստեղնաշարը։ Արդյունքը զգում եք ամեն սեղմման մեջ։
2 րոպե ընթերցանությունՏասնվեց դարի այբուբենը և հեռախոսը, որում այն դարձավ գրելու ամենադանդաղ ձևը։
6 րոպե ընթերցանությունԻնչու են հայերենը գրում լատինատառ և կիրիլատառ, և ինչպես նրան վերադարձնել իր տառերը։
4 րոպե ընթերցանությունՕգնելու հինգ կոնկրետ ձև, և ինչու է յուրաքանչյուրը կարևոր հայերենի համար։
5 րոպե ընթերցանությունԱջակցել նախագծին
Համաշխարհային ընկերությունները ստեղնաշարեր ստեղծում են առաջին հերթին ամենամեծ լեզուների համար։ Հայերենն ունի մի քանի միլիոն լեզվակիր, սեփական գիր և շատ քիչ ծրագրեր՝ ստեղծված հենց իր համար։ Armath‑ը այն նախագծերից է, որոնք փորձում են փոխել դա, և այն կարող է գնալ այնքան հեռու, որքան իր հետ կգնան օգտատերերը։
Աշխատանքին աջակցելու ամենաուղիղ ճանապարհը։ Սկսեք անվճար փորձաշրջանից։
Կամավոր է և լռելյայն անջատված․ ձեր շարժումները Armath‑ին սովորեցնում են ավելի լավ կարդալ հայերենը։ Ֆայլն ուղարկում եք դուք ինքներդ։
Լեզվակիրներ․ սրբագրեք մեր տեքստերը, փորձարկեք նոր տարբերակները, պատմեք, թե որտեղ է Armath‑ը սխալվում ձեր հայերենում։
Ուսուցչին, ծնողին, արտերկրում ապրող ընկերոջը, ով հայերեն գրում է լատինատառ։
Հարցեր
Armath Armenian Keyboard‑ը շուտով կհայտնվի App Store‑ում iPhone‑ի համար (iOS 17 և ավելի նոր)։ Նույն օրը հղումը կհայտնվի այստեղ։
Մուտքագրումը, բացատով ուղղումները, հաջորդ բառի և վրիպակների հուշումները, էմոջիները, կետադրության ընտրացանկերը և մեկ ձեռքի ռեժիմն անվճար են։ Սվայփը, թվերի վահանակը, բառ առ բառ ջնջումը և վերջին էմոջիները Armath Full‑ի մասն են։ Սկսեք անվճար փորձաշրջանը հավելվածում․ յոթ օր դրանք բաց են, և ոչինչ ինքնաբերաբար չի գանձվում կամ երկարաձգվում։
Ո՛չ։ Ձեր գրածը մնում է սարքում, իսկ ստեղնաշարում չկա ո՛չ ցանցային կոդ, ո՛չ գովազդ։ Սովորածը նույնպես մնում է ձեր սարքում։ Ստեղնաշարն ինքը ոչինչ չի ուղարկում։ Armath հավելվածը ախտորոշման հաշվետվություն, առանց որևէ տեքստի, ուղարկում է միայն այն դեպքում, եթե միացնեք դրա անջատիչը կարգավորումներում, իսկ Armath Full‑ի գնումը մշակում է Apple‑ի App Store‑ը։
iOS‑ը ստեղնաշարին թույլ է տալիս թրթռոցով արձագանքել և կարգավորումներն ու ուսուցումը հավելվածի հետ կիսել միայն Full Access‑ի դեպքում։ Մուտքագրումը, առաջարկները և ձայնն աշխատում են նաև առանց դրա։ Full Access‑ը Armath‑ին չի ստիպում որևէ բան ուղարկել։
Արևելահայերենով՝ Հայաստանում այսօր ընդունված ուղղագրությամբ, iPhone‑ի ոճի հայերեն դասավորությամբ (Կարգավորումներում կա նաև կենտրոնացված շարքով տարբերակ)։ Արևմտահայերենը և դասական ուղղագրությունը դեռ չեն աջակցվում։
Այո։ Հավելվածի Կարգավորումներում կարելի է դադարեցնել ուսուցումը, ջնջել մեկ բառ, որոշակի ժամանակահատված կամ ամեն ինչ։ Գաղտնաբառերի, միանգամյա կոդերի և քարտերի դաշտերում ոչինչ չի սովորվում։
Դեռ ոչ։ Առաջին տարբերակը iPhone‑ի համար է․ iPad‑ում Armath‑ը կհայտնվի, երբ այնտեղ փորձարկվի։
Ընտրեք Armath Full‑ը, ցանկության դեպքում կիսվեք սվայփի օրինակներով, որպես լեզվակիր սրբագրեք տեքստերը կամ փորձարկեք նոր տարբերակները, պատմեք Armath‑ի մասին նրանց, ովքեր գրում են հայերեն։ Armath‑ին աջակցելու բոլոր ձևերը։
Armath Armenian Keyboard՝ iPhone‑ի համար։ Մուտքագրումն անվճար է, իսկ Armath Full‑ը սկսվում է անվճար փորձաշրջանով։